ഒരു ചൂരൽമല യാത്രാ ഡയറി

വർഷങ്ങൾ കുറേ കടന്നു പോയിരിക്കുന്നു. എന്നാലും ചില യാത്രകൾ അങ്ങിനെയാണ് അത് നമ്മൾ ഇന്നലെ പോയത്പോലെയിരിക്കും...അങ്ങിനെ ഒരു യാത്രയെ കുറിച്ചാണ് എഴുതുന്നത്..

ചൂരൽമല , പേര് പോലെത്തന്നെ ഒരു മലമ്പ്രദേശം ..വയനാട് ജില്ലയിൽ സൂചി പാറയ്ക്കും വെള്ളരിമലയ്ക്കും ഇടയിലായി ഒരു കൊച്ചു ഗ്രാമം.തേയിലത്തോട്ടങ്ങളാൽ ചുറ്റപ്പെട്ട ഒരു നാട്..ചൂരൽമലയിലേക്കുള്ള യാത്ര നമ്മുടെ ആന വണ്ടിയിൽ ആയിരുന്നത് കൊണ്ട് ശരിക്കും ആസ്വദിച്ചു... ചിലപ്പോഴൊക്കെ യാത്ര ബസുകളിലും പോവണം അപ്പോഴാണ് അതിന്റെ ഒരു ഫീൽ നമുക്ക് മനസ്സിലാവൂ.... വയനാട്ടിലേക്കുള്ള യാത്രകൾ ഞാൻ അധികവും ബസുകളിൽ ആവാൻ ശ്രമിക്കാറുണ്ട്... യാത്രയിൽ ഉടനീളം നമ്മുടെ കണ്ണും കാതും തുറന്നിരിക്കണം..പറ്റുമെങ്കിൽ ബസിന്റെ ഫ്രന്റ് സീറ്റ് തന്നെ തരപ്പെടുത്താൻ നോക്കണം...

ചൂരൽമല യാത്രയിൽ ഭാഗ്യത്തിന് എനിക്ക് ഡ്രൈവറുടെ അടുത്തുള്ള സീറ്റ് തന്നെ കിട്ടി.... അതി മനോഹരങ്ങളായ കാഴ്ചകൾ ബസിന്റെ ചില്ലിലൂടെ ഓടി മറയുന്നു... തേയില തോട്ടങ്ങളും തോട്ടം തൊഴിലാളികൾ കൂട്ടമായി താമസിക്കുന്ന 'പാടികളും ' പുതുമയാർന്ന കാഴ്ചയാണ് ..

തേയില നുള്ളുന്ന സ്ത്രീകൾ പുറത്തു കെട്ടിയ കൊട്ടയുമായി വഴിയരികിൽ നിരനിരയായി നടന്നു നീങ്ങുന്നത് കാണാം...

എനിക്കിറങ്ങേണ്ടത് അവസാന സ്റ്റോപ്പിലാണ് . ബസ്സ് അവിടെവരെയുള്ളു എന്ന് ലിനൂബ് നേരത്തെ പറഞ്ഞിരുന്നു..  അവൻ എന്നെയും കാത്ത് സ്റ്റോപ്പിൽ തന്നെയുണ്ടായിരുന്നു...അവൻ  എന്നെയും കൂട്ടി അവരുടെ പാടിയിലേക്ക് നടന്നു...

'പാടി ' എന്ന് പറഞ്ഞാൽ തേയില തൊഴിലാളികൾക്ക് മുതലാളിമാർ ഒരുക്കുന്ന താമസ സൗകര്യം... കുറെ മനുഷ്യർ ഒന്നിച്ചു താമസിക്കുന്ന ഒരിടം...എനിക്ക് പാടി എന്നുള്ള പേരുപോലും കൗതുകമുണർത്തി....ഞാൻ അവിടെ എത്തുന്ന കാര്യം നേരത്തെ ലിനൂബ് പറഞ്ഞിട്ടുണ്ടാവണം....അതുകൊണ്ട് തന്നെ ഒരപരിചിതത്യം എനിക്കനുഭവപെട്ടില്ല....എല്ലാരേയും നേരത്തെ അറിയുന്ന പോലെ... നാട്യങ്ങൾ അറിയാത്ത ആളുകൾ. എന്റെ പേരുപോലും അവർക്കറിയാം....

ചുരം കയറി വന്നതിന്റെ ചെറിയ യാത്രാ ക്ഷീണം ഉണ്ട്... ഡിസംബർ മാസമായതിനാൽ നല്ല തണുപ്പ് ... പാടിയിലെ ജീവിതം വ്യത്യസ്തമായ ഒരനുഭവമായിരുന്നു... ചെറിയ ചെറിയ മുറികൾ ...അതിൽ നിറയെ ആളുകൾ...അവരുടെ സാമൂഹിക ജീവിതം അതിനനുസരിച്ചു ക്രമപ്പെടുത്തിയിരിക്കുന്നു....

തണുപ്പിനെ വകവെക്കാതെ ഒരു കുളി പാസ്സാക്കി ... വെള്ളം നല്ല ഐസ് പോലെ ...കുളി കഴിഞ്ഞപ്പോ ക്ഷീണമൊക്കെ പമ്പ കടന്നു...

നല്ല കപ്പയും ചിക്കനും ...പിന്നെ കാന്താരി മുളക് അരച്ച ചമ്മന്തിയും.... എന്റെ ടേസ്റ്റ് പോലും അവൻ അമ്മയോട് പറഞ്ഞെന്ന് എനിക്കുറപ്പായി...കുറെ നേരം അമ്മയുമായി അവരുടെ വിശേഷങ്ങൾ ചോദിച്ചറിഞ്ഞു.... ഒരു പാട് അനുഭവങ്ങൾ ....ചിലപ്പോഴൊക്കെ അങ്ങിനെയും ആളുകളെ കാണാം..അനുഭവങ്ങളിലൂടെ ജീവിതം കൊണ്ട് ഘോഷയാത്ര നടത്തിയവർ.

ഞങ്ങൾ രണ്ടുപേരും പുറത്തേക്കിറങ്ങി ... ഇപ്പോൾ മൂടൽ മഞ്ഞിനാൽ കാഴ്ചകൾ മറയ്‌ക്ക പ്പെട്ടിരിക്കുന്നു...തേയില തോട്ടങ്ങളെ ചുറ്റി പോകുന്ന റോഡുകൾ...മല മടക്കുകൾ .വഴികളിൽ ഇരുട്ട് വീണു തുടങ്ങിയിരിക്കുന്നു ...

തുടർന്നു വായിക്കുക ... https://mangroveskerala.blogspot.com/2020/07/blog-post_80.html

ലക്ഷദ്വീപിൽ ഞാൻ കണ്ട കാഴ്ചകൾ...

ആനകൊംബൻ വെണ്ട വിത്തുകൾ

വിത്ത്‌ വേണ്ടവർ കമന്റ്‌ ചെയ്യുക...

Egg Amino Acid : നല്ല ഒരു ജൈവ മിശ്രിതം

1, മുട്ട – നാടന്‍ കോഴിയുടെ മുട്ടയാണ്‌ നല്ലത്. ഫ്രഷ്‌ ആയ കേടുപാടുകള്‍ ഇല്ലാത്ത ഫ്രിഡ്ജില്‍ വെയ്ക്കാത്ത ഒരു മുട്ട ഇവിടെ ഉപയോഗിക്കുന്നു.
2, നാരങ്ങ – ഇതിന്റെ നീര് എടുക്കണം, മുട്ട മുങ്ങി കിടക്കുന്ന അളവില്‍ വേണം, ഏകദേശം 4-5 നാരങ്ങയുടെ നീര് ആവശ്യമായി വരും.
3, ശര്‍ക്കര – 30 ഗ്രാം മുതല്‍ 50 ഗ്രാം വരെ ആവശ്യമായി വരും, ഖര രൂപത്തിലുള്ള ശര്‍ക്കര എടുക്കുക
4, പ്ലാസ്റ്റിക് ജാര്‍ – കഴിവതും കുഴിവുള്ള , വിസ്താരം അധികമില്ലാത്ത ഒരെണ്ണം ഉപയോഗിക്കുക, വിസ്താരം കൂടിയാല്‍ നാരങ്ങ നീരിന്റെ അളവും അധികം വേണ്ടിവരും.

മുട്ട പ്ലാസ്റ്റിക്ക് ജാറില്‍ ഇറക്കി വെയ്ക്കുക, അവ മുങ്ങിക്കിടക്കത്തക്ക വിധം ചെറുനാരങ്ങനീര്‍ ഒഴിച്ച് ജാര്‍ അടച്ച് 15 ദിവസം വയ്ക്കുക. 15 ദിവസത്തിനുശേഷം ജാര്‍ തുറന്നു മുട്ട നന്നായി ഉടയ്ക്കുക, ശേഷം തുല്യ അളവില്‍ ശര്‍ക്കര ചേര്‍ക്കുക, വീണ്ടും ജാര്‍ അടച്ച് 15 ദിവസം വയ്ക്കുക. ഇനി ലഭിക്കുന്ന എഗ്ഗ് അമിനോ ആസിഡ് ഫില്‍ട്ടര്‍ ചെയ്തു സൂക്ഷിക്കുക, 1 മില്ലി മുതല്‍ 3 മില്ലി ഒരു ലിറ്റര്‍ വെള്ളത്തില്‍ കലക്കി 10 ദിവസത്തില്‍ ഒരിക്കല്‍ ചെടികളില്‍ സ്പ്രേ ചെയ്തു കൊടുക്കാം.

ഇഞ്ചി തൈകൾ വില്പനക്ക് ....

ഗുണനിലവാരം കൂടിയ ഇഞ്ചി തൈകൾ വില്പനക്ക് തയ്യാറായിരിക്കുന്നു. കോഴിക്കോട് പന്തീരാങ്കാവ് ആണ് സ്ഥലം.
     കേന്ദ്ര സർക്കാർ സ്ഥാപനമായ 'ഭാരതീയ സുഗന്ധവിള ഗവേഷണകേന്ദ്രം' വികസിപ്പിച്ചെടുത്ത അത്യുല്പാദന ശേഷി കൂടിയ "വരദ" ഇനത്തിൽപ്പെട്ട  ഇഞ്ചി ഇനം വളരെ മികച്ച രീതിയിൽ പച്ചഇഞ്ചിയ്ക്ക് ആയും ചുക്കിന് ആയും വിളവെടുക്കാവുന്നതാണ്. ആറ്  മാസം കൊണ്ട് പച്ചഇഞ്ചിയ്ക്ക് വേണ്ടിയും എട്ടു മാസത്തിനു ശേഷം  ചുക്കിന് വേണ്ടിയും വിളവെടുക്കാം.                    
     പറമ്പുകളിൽ തയ്യാറാക്കിയ വാരങ്ങളിലോ വീട്ടു വളപ്പിലും ടെറസിനുമുകളിലും തയ്യാറാക്കിയ ഗ്രോബാഗിലും പ്ലാസ്റ്റിക്ചാക്കിലുമോ തൈകൾ നടാവുന്നതാണ്.          
     നടുമ്പോൾ അടിവളമായി ജൈവവളങ്ങൾ ചേർക്കാം. കാലിവളം അല്ലെങ്കിൽ മണ്ണിരക്കമ്പോസ്റ്റ് അല്ലെങ്കിൽ ചകിരിച്ചോർ കമ്പോസ്റ്റ്, വേപ്പിൻപിണ്ണാക്ക്, എല്ലുപൊടി എന്നിവ ചേർക്കാം. പിന്നീട് നാല്പത്തിയഞ്ച് ദിവസത്തെ ഇടവേളകളിൽ വളം നൽകാം. കടലപ്പിണ്ണാക്ക്- പച്ചച്ചാണകം പുളിപ്പിച്ചതോ ജീവാമൃതമോ നൽകാം.                   
       ഗ്രോബാഗിലും ചാക്കിലും നടുമ്പോൾ വെള്ളം കെട്ടിനിൽക്കാതെ വാർന്നുപോകാനായി മണലോ മണൽ കിട്ടാത്ത സാഹചര്യത്തിൽ വളരെ വലിയതരി യുള്ള എം. സാന്റോ (കോൺക്രീറ്റിന് എടുക്കുന്നത്)ഉപയോഗിക്കാം. പറമ്പുകളിലെ വാരങ്ങളിൽ നടുമ്പോഴും വെള്ളം കെട്ടിനിൽക്കാതെ ശ്രദ്ധിക്കണം.              
        ഗുണനിലവാരം കൂടിയ ഇഞ്ചിവിത്ത് രോഗകീടബാധ ചെറുക്കാനുള്ള മരുന്നിൽ ട്രീറ്റ്‌ ചെയ്ത് പോട്ടിംഗ് മിശ്രിതം (മണ്ണ്, മണൽ, ചാണകപ്പൊടി)നിറച്ച അത്യാവശ്യം വലിപ്പമുള്ള പോളിത്തീൻ കവറുകളിൽ (8×8, 8×7)ആണ് തൈകൾ തയ്യാറാക്കിയിരിക്കുന്നത്.

അതിരപ്പിള്ളിയും നമുക്ക് നഷ്ടമാവുമോ ?

ഒരിക്കൽ ഞാനും പോയിട്ടുണ്ട് അതിരപ്പിള്ളി വെള്ളച്ചാട്ടം കാണാൻ ... ആവോളം ആസ്വദിച്ചിട്ടുണ്ട് അതിൻ്റെ  മനോഹാരിത...കണ്ടു കൊതിതീർന്നിട്ടില്ല.. ഇനിയും കാണണം എന്ന് മനസ്സിൽ കുറിച്ചിട്ട ഒരിടം നഷ്ടമാവാൻ പോവുന്നു എന്ന് കേൾക്കുമ്പോൾ വല്ലാത്ത ആധി ..

ചാലക്കുടിക്ക് കിഴക്ക്, കേരളത്തിലെ ത്രിശ്ശുർ  ജില്ലയിലാണ്  അതിരപ്പിള്ളി വെള്ളച്ചാട്ടം (ചാലക്കുടി താലൂക്കിലെ അതിരപ്പിള്ളി പഞ്ചായത്തിലാണ് അതിരപ്പിള്ളി വെള്ളച്ചാട്ടം).80 അടി ഉയരമുള്ള ഈ  വെള്ളച്ചാട്ടം അക്ഷരാർത്ഥത്തിൽ നിങ്ങളുടെ ശ്വാസം എടുത്തുകളയും. ഉയർന്ന ശ്രേണികളിൽ നിന്ന് ശാന്തമായി ആരംഭിച്ച്, മരങ്ങൾ നിറഞ്ഞൊഴുകുന്ന ഒരു ജല പ്രവാഹം. കേരളത്തിലെ ഏറ്റവും വലിയ വെള്ളച്ചാട്ടമാണ് അതിരപ്പിള്ളി വെള്ളച്ചാട്ടം, ഇതിനെ "ഇന്ത്യയുടെ നയാഗ്ര" എന്ന് വിളിപ്പേരുണ്ട് .

 ആന, കടുവ, പുള്ളിപ്പുലി, കാട്ടുപോത്ത്, സാമ്പാർ, സിംഹവാലൻ കുരങ്ങ്  , വേഴാമ്പൽ എന്നിവ ഈ പ്രദേശത്തെ വന്യജീവികളിൽ ഉൾപ്പെടുന്നു. അതിരപ്പിള്ളി-വായച്ചൽ പ്രദേശത്തെ 180 മീറ്റർ (590 അടി) ഉയരത്തിലുള്ള വനത്തിൽ  മാത്രമാണ് നാല് ദക്ഷിണേന്ത്യൻ ഹോൺബില്ലുകൾ - ഗ്രേറ്റ് ഹോൺബിൽ (കേരളത്തിലെ സംസ്ഥാന പക്ഷി), മലബാർ പൈഡ് ഹോൺബിൽ, മലബാർ ഗ്രേ ഹോൺബിൽ, ഇന്ത്യൻ ഗ്രേ ഹോൺബിൽ ഒരുമിച്ച് താമസിക്കുന്നതായി കാണപ്പെടുന്നു. നിർദ്ദിഷ്ട 163-മെഗാവാട്ട് അതിരപ്പില്ലി ജലവൈദ്യുത പദ്ധതി നിർമ്മിച്ചാൽ, ഈ സവിശേഷ പക്ഷികൾ ഈ വനങ്ങളിൽ നിന്ന് അപ്രത്യക്ഷമായേക്കാം. 

ഈ ജൂൺ 5 മറ്റൊരു പരിസ്ഥിതി ദിനം കൂടി കടന്നുപോയി..ജൈവവൈവിദ്യ ത്തിൻ്റെ പ്രാധാന്യം ആയിരുന്നല്ലോ ഈ വർഷത്തെ മുദ്രാവാക്യം ...എന്തൊരു വിരോധാഭാസം .. ജൈവവൈവിദ്ധ്യത്തെ കുറിച്ച് പറയുന്ന പ്രധാന മന്ത്രീയും രാഷ്ട്രീയ നേതാക്കളും  കേരളത്തിലെ ഏറ്റവും വലിയ ജൈവ ആവാസ വ്യവസ്ഥയെ നശിപ്പിക്കുന്ന പദ്ധതികൾ ആസൂത്രണം ചെയ്യുന്നു...  ഈ കൊറോണ കാലത്തെങ്കിലും മാറിചിന്തിക്കാൻ ഇവർക്ക് കഴിഞ്ഞിരുന്നെങ്കിൽ എന്ന് നമുക്ക് ആശിക്കാം ....

ആതിരപ്പിള്ളി നഷ്ടമാവുന്നതിനു മുൻപേ ഈ കാനന ഭംഗി  കാണാത്തവർ ഒരിക്കലെങ്കിലും അത് പോയി കാണണം ...കൊറോണ കഴിഞ്ഞു ഭാഗ്യമുണ്ടെങ്കിൽ  ഈ ഭംഗി  നുകരാൻ നമുക്കും ഒരു യാത്ര പോയാലോ അവിടേക്ക്  ?

ഫൈസൽ പൊയിൽകാവ് 

നമ്മുടെ നാടിൻ്റെ നല്ല നാളെക്കായി സംഗമം റെസിഡൻസിലെ ഓരോ വീടുകളിലും വൃക്ഷ തൈകൾ  എത്തിക്കാൻ നമുക്ക് സാധിച്ചിരിക്കുന്നു... ഇന്ന് ഓരോ വീടുകളിലും വൃക്ഷതൈകൾ നട്ടപ്പോൾ നമ്മുടെ സംഗമം റെസിഡൻസിൻ്റെ  കൂട്ടായ്മയുടെ വിജയം   കൂടിയായിരുന്നു അത്. ഇനിയും ഒരു പാട് കാര്യങ്ങൾ ചെയ്യുവാനുളള ഊർജ്ജം പകരുന്നുണ്ട് അത്. ഭാവിയിൽ ഇത്തരത്തിലുള്ള മാതൃകാ പ്രവർത്തനങ്ങൾ ആസൂത്രണം ചെയ്യാനും നടപ്പിലാക്കാനും നമുക്ക് കഴിയണം... 

പരിസ്ഥിതി സംരക്ഷണത്തിന്റെ സന്ദേശം നമുക്ക് ഓരോ വീടുകളിലും എത്തിക്കാൻ കഴിഞ്ഞു എന്നതിൽ ഉപരി എല്ലാവരുടെയും പങ്കാളിത്തം ഉറപ്പു വരുത്താനും നമുക്ക് കഴിഞ്ഞിട്ടുണ്ട്.  നമ്മുടെ മക്കൾ വൃക്ഷ തൈകൾ വെക്കുന്നതിന്റെ ഫോട്ടോ ഗ്രൂപുകളിൽ പോസ്റ്റ് ചെയ്യാൻ എല്ലാര്ക്കും ആവേശമായിരുന്നു... കുട്ടികളിൽ ഇത് ഉണ്ടാക്കുന്ന ഒരു പരിസ്ഥിതി ബോധം ചെറുതല്ല എന്ന് നാം തിരിച്ചറിയണം.....നല്ല ഉത്തമ സാമൂഹ്യ ബോധമുള്ളവരായി നമുക്ക് അവരെ കൈ പിടിച്ചു ഉയർത്താൻ പറ്റണം .. അതിനു ഇങ്ങനെയുള്ള കൂട്ടായ്മകൾ കൂടിയേ തീരു....