ജീവിതത്തിന്റെ ഏത് ഘട്ടത്തിൽ എത്തിയാലും നമ്മെ നാമാക്കി മാറ്റിയ ചില മനുഷ്യരെ ഒരിയ്ക്കലും മറക്കാൻ കഴിയില്ല. എനിക്ക് അത് എന്റെ പ്രിയപ്പെട്ട അധ്യാപകരാണ്.
ഹിന്ദിയുടെ മാധുര്യം പകർന്നു നൽകിയ കൃഷ്ണൻ മാഷും, കണക്കിന്റെ കടുകട്ടി സൂത്രവാക്യങ്ങളെ ജീവിതപാഠങ്ങളാക്കി മാറ്റിയ ക്രിസ്ത്യൻ കോളേജിലെ ഉണ്ണികൃഷ്ണൻ സാറും ഇന്നും എന്റെ മനസ്സിൽ മായാത്ത വെളിച്ചമായി നിലനിൽക്കുന്നു. അവർ ഇന്ന് ഭൗതികമായി നമ്മോടൊപ്പം ഇല്ലെങ്കിലും, അവർ പകർന്നുനൽകിയ അറിവും സ്നേഹവും മൂല്യങ്ങളും ഇന്നും എൻ്റെ ചിന്തകളെയും വഴികളെയും വെളിച്ചമുള്ളതാക്കുന്നു.
നല്ലൊരു അധ്യാപകനാവുക എന്നത് വെറുമൊരു ജോലിയല്ല, മറിച്ച് തലമുറകളുടെ മനസ്സിൽ മായാത്ത മുദ്ര പതിപ്പിക്കുന്ന വലിയൊരു ഉത്തരവാദിത്തമാണ്.
അക്ഷരങ്ങളും അറിവും പകർന്നുനൽകി നമ്മെ വഴികാട്ടിയ എല്ലാ നല്ല അധ്യാപകർക്കും എന്റെ പ്രണാമം! നമ്മൾ ഓരോരുത്തർക്കും മറ്റുള്ളവരുടെ ജീവിതത്തിൽ നല്ല വഴികാട്ടികളും അധ്യാപകരുമാകാൻ സാധിക്കട്ടെ... 🙏❤️
