ഓർമ്മകൾ അവസാനിക്കുന്നേയില്ല......

ഓർമ്മ. - 2

എന്റെ   ചെറുപ്പത്തിലെ ഏറ്റവും നല്ല കാഴ്ച വീടിനു ചുറ്റുമുള്ള പാടങ്ങൾ  ആയിരുന്നു..മഴക്കാലം തുടങ്ങിയാൽ ഞങ്ങൾ കൂട്ടുക്കാർ മീൻ പിടിക്കാനുള്ള തിരക്കിലാവും..

അന്നൊക്കെ മണ്ണിര കാലുകൊണ്ട് കിളച്ചു ചൂണ്ടയിൽ കോർത്താണ് മീൻ പിടുത്തം ... (                
  ഇന്ന് പടന്ന എടുത്ത്‌ കിളച്ചാൽ പോലും ഒരൊറ്റയെണണത്തിനെ കിട്ടില്ല.  ) മണ്ണിരയെ ചൂണ്ടയിൽ കോർക്കാൻ നല്ല പ്രാക്ടീസ് വേണം... ഫൈസൽ കുപ്പച്ചൻ ആയിരുന്നു നമ്മുടെ ഗുരു ..,അവനായിരുന്നു ഒരു കാലത്ത്റ്റ്‌ എന്റെ എല്ലാം ..

മുഷിയും , കൈച്ചിലും( വരാൽ ) , കരിന്തലയും ഒക്കെ ഞങ്ങളുടെ ചൂണ്ടയിൽ കുരുങ്ങി..

മീൻ പിടുത്തം കഴിഞ്ഞാൽ കുളത്തിലെ കുളി ..ഫൈസലും യാസറും തകർക്കും ...( എനിക്ക് ഇന്നും നീന്തൽ അറിയില്ലാട്ടോ ) .. എല്ലാം കഴിഞ്ഞു വീട്ടിലേക്കു .. മീൻ പിടുത്തതിന് കർശന വിലക്കായിരുന്നു വീട്ടിൽ..അതിനാൽ പലപ്പോഴും പൊതിരെ തല്ല് കിട്ടി...
( ഈ വളർത്തു ദോഷം കൊണ്ടാണ് നീന്തൽ പഠി ക്കാതെ പോയതെന്ന് ഞാൻ... )

സ്‌കൂളിൽ പരീക്ഷാകാലം കഴിഞ്ഞാൽ പാടത്തുള്ള ചെറിയ ചെറിയ വെള്ളക്കെട്ട് വറ്റിച്ചു മീൻ പിടുത്തം തുടങ്ങും... ...

വെള്ളം വറ്റാൻ നേരം, മീനിനെ ചവിട്ടി പിടിക്കുക എന്നൊരു പരിപാടിയുണ്ട് ... അതിലും വിദഗ്ദൻ കുപ്പച്ചൻ തന്നെ .. ചവിട്ടി പിടിക്കൽ പരിശീലനത്തിനടിയാലാണ് മുഷി ( അതിനെ നാട്ടിൽ കടു എന്നും വിളിക്കും ) പണി പറ്റിച്ചത് .. എന്റെ കാലിനടിയിൽ പെട്ട മുഷി അതിന്റെ ജീവൻ രക്ഷിക്കാൻ പിടച്ചതാകണം... ആ പിടയ്ക്കൽ എന്റെ കാലിൽ 12 കുത്തുകൾ സമ്മാനിച്ചു ... കുത്തേറ്റടുത്തു നിന്ന് നല്ല കടച്ചിൽ......

മുഷി കുത്തിയാൽ നല്ല കടച്ചിലാണ് ... അന്നത്തെ അതിനെതിരെയുള്ള മറു മരുന്ന് കുത്തിയെടുത്തു മൂത്രം ഒഴിക്കുക  ... മൂത്രം വീഴുന്നതോടെ കടച്ചിൽ നിൽക്കും ....

മൂത്രം കാലിൽ വീണതോടെ കടച്ചിൽ നിന്നു .. എന്റെ ചവിട്ടി പിടിക്കൽ പരിശീലനവും.....

ഫൈസൽ പൊയിൽക്കാവ്‌

#ormmakal