ഓർമ്മക്കുറിപ്പ് ....

ജീവിതം യൗവന തീക്ഷ്ണവും ഹൃദയം പ്രേമസുരഭിലവുമായിരുന്ന ഒരു കാലഘത്തിന്റെ ഓർമ്മയ്ക്കായി ......

ഓർമ്മ - 1
---------------
കാലം :  തൊണ്ണൂറുകളുടെ അവസാനം....
രംഗം   : ഒരു വോളിബാൾ കളിക്കളം



ചില ഓർമ്മകൾ അങ്ങിനെയാണ് .. അത് നാം മരിച്ചാലും മറക്കില്ല...
ബിരുദം കഴിഞ്ഞു,  ഇനി എന്ത് എന്ന് ചിന്തിക്കുന്ന കാലം. ...ക്രിക്കറ്റും വോളിബാളും ഹരം കൊള്ളിക്കുന്ന പ്രായം....... നല്ല ഒരു വോളീബോൾ പ്ലെയർ ആയിട്ട് പോലും ഉപ്പയുടെ ലോക്ക് ഡൗണിൽ കുടുങ്ങി കിടന്ന കൗമാരം...... ഇടക്കൊക്കെ ഉപ്പായുടെ കണ്ണുവെട്ടിച്ച് വോളീബോൾ കളത്തിലേക്ക്........ കാണികളുടെ ആരവം ....ഇന്നും  ഓർക്കാൻ സുഖമുള്ള ഓർമ്മകൾ .... ബെറ്റ് വെച്ച് കിട്ടുന്ന പൈസക്ക് ചിക്കൻ ഗോപാലേട്ടന്റെ കടയിൽ നിന്ന് പൊറോട്ടയും ചിക്കൻ പൊരിച്ചതും.....ഓർമ്മകൾ ഒരു പാടുണ്ട്....


അങ്ങിനെ ഒരിക്കൽ തീ പാറുന്ന ഒരു വോളീബോൾ  മത്സരം.. മൂന്ന് സെറ്റിൽ  1 -1 എന്ന നിലയില രണ്ടു  ടീമും ...എതിർ ടീമിൽ ആരുടേയും പേടിസ്വപ്നമായി സ്‌ട്രൈക്കർ ഇസ്മായിൽ  അപാര ഫോമിൽ...എന്റെ പോസിഷൻ ഡിഫൻഡിങ് ആയിരുന്നു... ഇസ്മയിലിന്റെ പല ഷോട്ട് കളും ഞാനും മുജീബും കൂടി ബ്ലോക്ക് ചെയ്തിട്ടു ....ഇസ്മയിലിന്റെ എണ്ണം പറഞ്ഞ അടി ബ്ലോക്ക് ചെയ്യാൻ പോയ എൻ്റെ തള്ള വിരൽ ഒടിഞ്ഞു തൂങ്ങി...ഒരു വേള ഞാൻ കളിക്കളത്തിൽ ഇരുന്നു പോയി....എന്താണ് സംഭവിച്ചതെന്ന് എനിക്കോ മറ്റുള്ളവർക്കോ ആദ്യം മനസ്സിലായില്ല.... കൈ വിരലിൽ നിന്നും നല്ല കലശലായ വേദന...കൂട്ടുക്കാർ എന്നെ തൂകി എടുത്തു അടുത്തുള്ള കളരി ഗുരുക്കളുടെ അടുത്തേക്ക് ..

ഗുരുക്കൾ ഒരു കുപ്പി തൈലം വാങ്ങാൻ  ആളെ വിട്ടു .. എന്നിട്ട് എന്നോട് കുശലം പറയാൻ തുടങ്ങി ....കുറച്ചു കഴിഞ്ഞപ്പോൾ തൈലം എത്തി..ഗുരുക്കൾ മെല്ലെ തൈലം എന്റെ ഒടിഞ്ഞു തൂങ്ങിയ തള്ള വിരലിനു ചുറ്റും പുരട്ടി മെല്ലെ മെല്ലെ തടവാൻ തുടങ്ങി....അള്ളോ ...ഒരു നിമിഷം എല്ലാം കഴിഞ്ഞു....ഗുരുക്കൾ പറഞ്ഞു  വലിച്ചിട്ടിട്ടുണ്ട് രണ്ടു ദിവസം നല്ല നീര് കാണും... .. ഞാൻ വിരലിനു കെട്ടുമായി വീട്ടിലേക്കു.... പിന്നെ എന്ത് സംഭവിച്ചു എന്ന് നിങ്ങള്ക്ക് ഊഹിക്കാവുന്നതേയുള്ളു........


ഫൈസൽ പൊയിൽക്കാവ്