മാടായിപ്പാറയിലെ ജൂതക്കുളം

 യാത്രകൾ ചെറുതാണെങ്കിലും  അത് നമ്മൾക്കു തരുന്ന ഊർജ്ജം അത്ര ചെറുതല്ല. 

അധികം പ്ലാൻ ചെയ്യാതെ ആരോടും പറയാതെ ഒരു യാത്ര കണ്ണൂരിലെ മാടായിപ്പാറയിലേക്ക് ....

പ്രകൃതി ഭംഗിയാൽ അനുഗ്രഹീതമായ കണ്ണൂർ ജില്ലയിലെ  മാടായിപ്പാറ  എത്തുമ്പോൾ സൂര്യൻ പടിഞ്ഞാറേക്ക് ചരിഞ്ഞു തുടങ്ങിയിരുന്നു...

കാക്കപ്പൂവും മുക്കുറ്റിയും മറ്റു പേരറിയാത്ത പൂജയ്ക്കെടുക്കാത്ത പൂക്കളും .......

മനസ്സ് അറിയാതെ മന്ത്രിച്ചു ഭൂമിയിൽ തന്നെയാണ് സ്വർഗ്ഗം...   അത് അറിയാനും അനുഭവിക്കാനുമുള്ള മനസ്സ്  നമുക്ക് വേണമെന്ന് മാത്രം...

പുൽമേട്ടിൽ ഇളം കാറ്റ് വന്ന്  ശരീരത്തെ പുൽകുമ്പോൾ  മനസ്സിനും  ശരീരത്തിനും നല്ല ഉന്മേഷം . 

ഈ നാടിനും ഉണ്ട് കുറേ ചരിത്ര പശ്ചാത്തലങ്ങൾ  ഒരു കാലത്ത് ജൂതൻമാർ ഇവിടേയും കുടിയേറിയിരുന്നു പോൽ. 

ജൂതന്മാർ നിർമ്മിച്ചെന്ന്  വിശ്വസിക്കുന്ന ജൂതക്കുളം നമുക്കിപ്പോഴും ഇവിടെ കാണാം. 

ടിപ്പുവിൻ്റെ കാലത്തെ പടയോട്ടങ്ങളുടെ മൂകസാക്ഷി കൂടെയാണ്  ഈ മാടായി പാറ . 

 അമ്പലവും തിറകളും ഉള്ള ഹെക്ടർ കണക്കിന് പരന്നു കിടക്കുന്ന ഈ പുൽമേടുകൾ ഇന്ന് മാടായി കാവ് അമ്പലം ദേവസ്വം വകയാണ് .

ശ്രദ്ധിക്കുക പ്ലാസ്റ്റിക്ക് മാലിന്യങ്ങൾ ഒന്നും അവിടെ ഉപേക്ഷിക്കാതെ വരും തലമുറയ്ക്കായി  ഈ പ്രകൃതി ഭംഗി നമുക്ക് കെടാതെ സൂക്ഷിക്കാം.

മാടായി പാറ കാണാൻ വരുന്നവർക്ക് കണ്ണൂർ പഴയങ്ങാടി റെയിൽ സ്റ്റേഷനിൽ ഇറങ്ങി വെങ്ങര ബസ്സിൽ കയറി ഈ വാഗ്ദത്ത ഭൂമിയിൽ എത്താം...

✍️ ഫൈസൽ പൊയിൽക്കാവ്